2025 жылғы 24 қыркүйекте мектепте жаңа оқу жылындағы Қамқоршылық кеңесінің алғашқы отырысы өтті.
Отырыстың басында кеңес мүшелері мектепалды даярлық сыныптары мен бірінші сынып оқушыларына арналған жаңа кабинеттерді аралап көрді. Олар ең кішкентай шәкірттердің қандай жағдайда білім алып, мектеп жолын бастағандарын өз көздерімен көрді. Қонақтар кабинеттердің жайлылығын, заманауи жабдықталуын атап өтіп, қолайлы білім беру ортасын құру – балалардың болашағына қосылған маңызды үлес екенін ерекше айтты.
Келесі кезекте мектеп директоры Абдрахманова Г.Ф. кеңес мүшелерін күн тәртібімен таныстырып, мектептің даму жоспары мен 2025–2026 оқу жылына арналған іс-шаралар туралы толық ақпарат берді. Әсіресе отбасы мен мектептің өзара ынтымақтастығы мәселесіне ерекше назар аударылды. Себебі сапалы білім мен тәрбиенің кепілі – бірлескен жұмыс.
Отырыста қаралған негізгі мәселелердің бірі – көмекке мұқтаж балаларды қолдауға бағытталған республикалық «Мектепке жол» акциясына мектептің қатысуы болды.
Қамқоршылық кеңесінің төрайымы Тян Ирина Геннадьевна құттықтау сөз сөйлеп, кеңес мүшелерінің бірлескен жұмысының маңыздылығын атап өтті, ата-аналардың мектеп ісіне көңіл бөліп, ынтымақтастық танытып, белсенді қатысқаны үшін алғысын білдірді.
Отырыстың қорытындысы бойынша Қамқоршылық кеңесінің барлық мүшелері кездесудің нәтижелілігі мен мазмұндылығын атап өтіп, толық қанағаттанғандарын жеткізді. Талқыланған барлық мәселелер назарға алынып, отбасы мен мектептің өзара байланысын нығайту жұмыстары жалғасын табатын болды.
Жиын соңында мектеп директоры кеңес мүшелеріне белсенді жұмысы, ұйымшылдығы мен қолдауы үшін алғыс айтып, 2022–2024 оқу жылдарындағы еңбектері үшін Алғыс хаттар табыстады. Сондай-ақ республикалық «Мектепке жол» акциясына ерекше үлес қосқан ең белсенді мүшелер марапатталды.
Отырыстың жалпы атмосферасы отбасы мен мектептің өзара тығыз ынтымақтастығы – сапалы білім мен жан-жақты дамудың берік іргетасы екенін көрсетті.
Біз бірге болашақ мектебін құрамыз — балаларымыздың сенімділігі мен жетістіктері үшін!
